پتوکی﴿میرا پتوکی ڈاٹ کام﴾گورنمنٹ ڈگری کالج میں ایم اے کی کلاسوں کے لیے تین کروڑ پچاس لاکھ روپے کی خصوصی گرانٹ منظور ہو گئی ہے یہ بات پاکستان پیپلز پارٹی کے ایم پی اے الحاج چوہدری امجد علی میو ایڈووکیٹ نے پی پی کے کارکنوں کے ایک اجتماع سے خطاب کرتے ہوئے کہی کہ گورنر پنجاب سلمان تاثیر کی خصوصی کاوشوں سے ایم اے کی کلاسوں کا اجرائ اور گرانٹ منظور کروانے پر ان کا خصوصی شکریہ ادا کیاگیا ۔انہوں نے مزید کہا کہ جب بھی پیپلز پارٹی کی حکومت بر سر اقتدار آتی ہے تو عوام کے تعمیری کام بے شمار کروائے جاتے ہیں ۔ انشائ اللہ میںاپنے حلقہ کے عوام سے جو وعدے کیے تھے وہ عرصہ دو سال میں پورے کروائے ہیں اور بقایا تین سال کے عرصہ میں پورے کرائوں گا۔انہوں کہا کہ ہم بھٹو خاندان کی لازوال قربانیوں اور کار کنوں کا شکریہ ادا کرتے ہیںاور ان کی قربانیاں کبھی نہیں ضائع جانے دیں گے ۔جبکہ ہم اپنے قائد شہید محترمہ بے نظیر بھٹو کے مشن کو ہر طرح کامیاب کریںگے ۔ اور شہید بھٹو کا نام زندہ رکھیں گے ۔

قصو ر ﴿میرا پتوکی ڈاٹ کام﴾سپیکر پنجاب اسمبلی رانا محمد اقبال خاں نے گزشتہ روز سیلاب کی صورتحال کا جائزہ لینے کیلئے قصور کا دورہ کیا ۔ اس سلسلے میں سپیکر پنجاب اسمبلی نے ڈی سی او آفس میں تمام ضلعی افسران ‘ایم پی ایز سے میٹنگ کی ۔ اجلاس میں ڈی سی او ملک جہانزیب اعوان ‘ڈی پی او گوہر نفیس ‘ایم پی اے ملک اختر نول ‘ای ڈی او لٹریسی ‘ای ڈی او ایجو کیشن ‘ای ڈی او ہیلتھ اسلم رندھاوا ‘ای ڈی او ریونیو عامر اعجاز اکبر ‘ای ڈی او سی اینڈ ڈبلیو ‘ڈی او آر شجاع قطب بھٹی ‘ڈی ڈی او آرز پتوکی ‘کوٹ رادھا کشن ‘چونیا ں اور قصور ‘سول ڈیفنس آفیسر ‘ای ڈی او ایگری کلچر ‘ایس ای ایری گیشن محمد یامین ‘ڈی او لائیو سٹاک اور ڈسٹرکٹ انفارمیشن آفیسر مسز تابندہ امجد نے شرکت کی ۔ اجلاس کے دوران ڈی او آر شجاع قطب بھٹی نے ضلع قصور میں سیلاب کی ممکنہ صورتحال اور اس سے بچائو کیلئے ڈسٹرکٹ گورنمنٹ کی طرف سے کئے گئے تمام انتظامات کے بارے میں بریفنگ دی ۔ ڈی ڈی او آر پتوکی نے پتوکی میں سیلاب سے نمٹنے کیلئے اقدامات پر روشنی ڈالی ‘بلوکی میں سیلابی پانی سے محفوظ رہنے کیلئے تمام انتظامات پر غور کیا گیا ۔ ایس ای اری گیشن نے بتایا کہ دریائے ستلج انڈیا میں بنائے گئے باکھڑا ڈیم سے ہوتا ہوا روپڑ ہیڈ ورکس اور ہری کے کے بعد فیروز پور سے پاکستان میں شامل ہوتا ہے ابھی یہاں پانی کا اخراج 36404ہری کے کے مقام پر ہے جو کہ کم درجے کا سیلاب ہے ۔ راوی میں سیلاب سے نمٹنے کی پوری تیاری کر لی ہے ۔ پتوکی میں 90ہزارسے 135000سے زیادہ اگر بہائو ہوا تو سیلاب آئے گا ابھی صورتحال کنٹرول میں ہے ۔ سپیکر رانا محمد اقبال خاں نے سیلاب کے علاقوں میں ادویات کی فراہمی کیلئے ای ڈی او ہیلتھ کی ڈیوٹی لگا دی ۔ ٹیچرز اور طلبائ کو بھی مدد کرنے کی ہدایت کی اور پاکستان کی اس سیلابی تباہ کاریوں اور مشکل کی اس گھڑی میں انہوں نے سب لوگوں سے بڑھ چڑھ کر اپنے ہم وطنوں اور بھائیوں کی مدد کرنے کی اپیل کی ہے ۔