پھول نگر ﴿ میرا پتوکی ڈاٹ کام﴾تیز رفتار ٹرک کی ٹکر سے موڑ وے پولیس کے تین نوجوان شہید ٹرک ڈرائیور موقع سے فرار ۔ پھول نگر پولیس موقع پر نہ پہنچ سکی۔ تفصیلات کے مطابق پھول نگر بائی پاس پر موٹر وے پولیس کے متعدد اہلکا رافسران کو ہدایات و تربیت دے رہے تھے لاہور کی طرف سے تیز رفتار ٹرک نمبری lsc 876 بے قابو ہو کر موٹر وے پولیس کی وین نمبریIDP 2961پر چڑھ گیا۔ جس سے وین مکمل طور پر تبا ہو گئی وین میں موجود دو انسپکٹر محمد قاسم اور رانا امتیاز موقع پر شہید ہو گئے جبکہ سب انپکٹر عدنان گل شدید زخمی ہو گیا جو جناح ہسپتال پہنچنے سے قبل ہی راستے میں زخموں کی تاب نا لاتے ہوئے شہید ہو گیا۔ پھول نگر پولیس کو بر وقت اطلاح دی گئی مگر پولیس ہمشہ کی طرح موقع پر نہ پہنچ سکی۔

پتوکی ﴿میرا پتوکی ڈاٹ کام ﴾ ڈسٹرکٹ پولیس آفیسر قصور گوہر نفیس کی پتوکی میں کھلی کچہری سات گھنٹے دیر سے آنے اور بارش کی وجہ سے شامیانے گر جانے کی بدولت بند کچہری بن گئی۔ اس کچہری سے عوا م کو ہمشہ کی طرح بے خبر رکھا گیا۔ کم تعداد میں آئے ہوئے لوگ بھی گھنٹوںانتظار کے بعد مایوس ہو کر واپس لوٹ گئے پولیس نے اپنی تعریف اور عوامی شکایات کو جھٹلانے کے لیے چند ٹاؤٹ بلا رکھے تھے۔ سوشل لیڈر حکیم زادہ منور اور راحیل اسلم بند کمرے میں منعقد کھلی کچہری شکایات کا آغاز کیا۔ ڈی ۔پی ۔او نے ایکشن لینے کی بجائے مدعا علیہان ، ماتحتوں اور سود خوروں کے وکیل بن گئے جس پر حکیم دارہ نے کہا کہ اگر انصاف نہیں کرنا ، ایکشن نہیں لینا اور آپ نے جرم و کرپشن کا تحفظ ہی کرنا ہے تو کھلی کچہری کا ڈرامہ رچانے کا کوئی فائدہ نہیں۔ جس پر ڈی۔پی۔او آگ بگولہ ہو گیا اورہمیشہ کی طرح خانہ پری کرنے کے لیے انکوئری کا حکم دے دیا۔

جمبر ﴿میرا پتوکی ڈاٹ کام﴾ ڈویثرن سرویلینس چھاپہ مار ٹیم نے چھاپہ مارنے سے قبل بجلی چور واپڈا اہلکار کو مخبری کر دی ،سماجی تنظم اور صحافیوں کے دبائو پر چھاپہ مار ٹیم چلی تو گئی مگر موقع پر جا کر چھاپہ مارنے سے انکار ۔ سماجی تنظیم نے احتجاج کا اعلان کر دیا تفصیلات کے مطابق سماجی تنظیم ملی مفادات مشترکہ مشن اور پریس کلب پتوکی کی نشاندہی پر دین ٹیکسٹا ئل مل کے با المقابل 150 ایکڑ زرعی فارم ٹھیکہ پر لیکر امجد نامی لائن مین عرصہ دراز سے  25 KVA کا ٹرانسفارمر اتار کر اسکی جگہ 50KVA کا ٹرانسفارمر نا جائز طور پر رکھ کر 2 عدد ٹیوب ویل بور بنام میاں منور حسین حوالہ نمبر 11732 0383100R/19 پر 2 عدد موٹریں 25 ھارس پاور کی ڈائریکٹ چلا رہا تھا ایکسین چونیاں کی ہدایت پر ڈویثرن سرویلنس ٹیم ، رورل سب ڈویثرن چونیاں ٹیم کے انچارج مرزا غنیمت بیگ لائن سپرٹینڈنٹ، سماجی تنظیم ملی مفادات مشترکہ مشن اور پریس کلب پتوکی کے ہمراہ چھاپہ مارنے کیلے موقع پر پہنچی تو اصغر عباس انچارج ڈویثرن سرویلنس ٹیم کی مخبری پر امجد لائن مین نے 50 کے قریب مسلح غنڈوں کو فارم پر بلا رکھا تھا جنھوں نے ٹیم اور سماجی تنظیم کو ڈائریکٹ چلتی ہوئی موٹریں اور ناجائز لگا ہوا ٹرانسفارمر اتارنے نہ دیا بلکہ ہوائی فائرنگ کی اور سنگین نتائج کی دھمکیاں دیں جس پر سماجی تنظیم اور صحافیو ں نے احتجاج کا اعلان کر دیا اور اعلی احکام سے  بجلی چور امجد لائن مین کے خلاف بجلی چوری کرنے اورنا جائز ٹرانسفارمر رکھنے کا مقدمہ درج کر کے گرفتا ر کر نے کا مطالبہ کیا ۔

پتوکی ﴿میرا پتوکی ڈاٹ کام﴾ چار مسلح افراد نوجوان لڑکی کو اغوا کر کے لے گئے۔ تھانہ صدر پتوکی نے مقدمہ درج کر کے مغوی کی تلاش شروع کر دی۔ تفصیلات کے مطابق پتوکی کے نواحی گاؤں پرتاب گڑھ کے رہاشی محنت کش نذیر احمد کے گھر سے ملزمان رانا آصف، قاسم، رانا سجاد اور ایک نامعلوم شخص گن پوائنٹ پر نوجوان شمیثر بی بی کو رکشہ میں ڈال کر اغوا کر کے لئے گئے۔تھانہ صدر پتوکی نے مقدمہ درج کر کے مغوی کی تلاش شروع کر دی۔

پتوکی ﴿میرا پتوکی ڈاٹ کام﴾ پتوکی میں سینکڑوں خواتین کا سود ی قرضے دینے والے اداروں کے خلاف شدید احتجا ج ۔ کچہر ی چوک میں روزہ کے باوجود تپتی دھوپ میں ننگی سڑک پرکئی گھنٹے دھرنا دیا اور سود خور اداروں اور عناصر کے خلاف کتبے اور بینرز اٹھا کر نعرے بازی کی ۔ تفصیلات کے مطابق گذشتہ روز ڈیفنس آف ہیو مین رائٹس ا ٓ رگنا ئزیشن کے صدر راحیل اسلم کی قیادت میں سینکڑوں خواتین نے کچہری چوک پتوکی میں کئی گھنٹے سخت گرمی اور دھوپ کے باوجود روزہ کی حالت میں دھرنا دیا اور سودی کاروبار کرنے والے اداروں اور عناصر کے خلاف شدید نعرے بازی کی ۔ اور حکومت پنجاب سے ایسے اداروں کے خلاف سخت نوٹس لینے کا مطالبہ کیا ۔ اور ان اداروں کے ملازمین کی ننگی جارحیت پر سخت ردے عمل کا اظہار کیا ۔انہوں نے بتا یا کہ قرضہ دیتے وقت تو انہوں نے کہا تھا کہ ہم غریب لوگوں کی مدد کر نا چاہتے ہیں مگر قرض لے کر معلوم ہو ا کہ ہمدردی کے بھیس میں یہ لوگ ہمیں کس عذاب میں مبتلا کر چکے ہیں اگر قسط ایک دن لیٹ ہو جائے تو پانچ سو روپے جرمانہ قسط کی رقم سے پہلے وصول کیا جا تا ہے اور اتنی بے حودہ زبان استعمال کی جاتی ہے بیان سے باہر ہے ایک عورت نے روتے ہوئے بتایا کہ میر ی قسط کسی عزیز کی فوتگی کی وجہ سے ایک دن لیٹ ہو گئی تو اوریکس کے ملازم عامر نامی نے کہا کہ تمہارے قریب چکلہ ہے جسم فروشی کرو اور ہماری قسط ادا کرو ۔ اس کے علا وہ وقت پر قسط ادا نہ کر سکنے والی عورتوں کے گھر سے ۔ ٹی وی ، فریج ، اور واشنگ مشین طرح کی کو ئی بھی چیزیں اٹھا لی جاتی ہیں ۔احتجاجی جلوس سے چیئر مین ملی مفادات مشترکہ مشن کے چیئرمین حکیم زادہ سلیم منور شہید نے خطا ب کر تے ہو ئے کہا کہ یہ لوگ بنکوں سے دس فی صد پر رقم لے کر غریب عوام کو 20 فی صد پر دیکر دونوں ہاتھوں سے لوٹ رہے ہیں وزیر اعلی سود خور اداروں کے خلاف فوری کاروائی کا مطالبہ کیا ہے۔

پتوکی ﴿میرا پتوکی ڈاٹ کام﴾ملی مفادات مشترکہ مشن کے چیئر مین حکیم زادہ سلیم منور نے کوٹ لکھپت جیل لاہور میں سحری کے وقت روزہ دار قیدیوں کو انسانی گوشت دھوکا سے کھلائے جانے کی مزمت کرتے ہوئے اعلی سطحی تحقیقات کا مطالبہ کیا ہے اور زمہ داران کے خلاف سخت کاروائی کا مطالبہ کیا ہے۔